Ang pananaliksik na ito ay nakatuon sa pagbuo at balidasyon ng interaktibong modyular sa pagtuturo ng mga suprasegmental. Ang diin, antala/hinto, at ang intonasyon sa pagtuturo sa kolehiyo taong panuruan 2010-2011. Ginamit ang Research and Development Method sa pananaliksik na dumaan sa proseso ng paggawa at pagpapaunlad ng modyul na ginamitan ng teknolohiya. Ang presentasyon ng nabuong modyul ay ginawa sa paglalapat ng power point presentation na ginamitan ng visual basic. Ito ay dumaan sa apat na proseso: pagbuo ng modyul, pagpapaunlad sa modyul, pagpapabalidasyon ng modyul at ang paggamit ng mga try-out group sa modyul. Nagkaroon ng pinakamataas na katanggap-tanggap na resulta ang pagbuo at balidasyon ng interktibong modyul na siyang naging daan upang malubos ang pagkaunawa sa mga suprasegmental at maging matagumpay ang pagsasakatuparan nito.