Ang layuning ng pananaliksik na ito, ay malaman ang antas ng paggamit ng Task-Based Approach: Alternatibong Paraan sa Pagkatuto at Pagpapaunlad sa Kasanayan sa Pag-Unawa sa Pagganap ng mga Mag-Aaral. Ninanais ding malaman ang antas ng kaaungkupan ng Task-based Approach Bilang Alternatibong Paraan sa Pagkatuto at antas ng Pagpapaunlad sa Kasanayan sa Pag-unawa. Gayundin, ang makabuluhang epekto ng paggamit ng Task-Based Approach: Alternatibong paraan sa pagkatuto at pagpapaunlad sa kasanayan sa pag-unawa sa pagganap ng mga mag-aaral. Ang mananaliksik ay gumamit ng disenyong deskribtibong-kwantitatibong paraan at Purposve Sampling Technique. Ginamit ng mananaliksik ang mag-aaral na nasa ikapitong baitang na siyamnapu (90) ng San Juan National High School, Kalayaan, Laguna bilang tagatugon ng pag-aaral. Sa ginawang pananaliksik, lumabas na ang antas kaangkupan ng Task-based Approach: Alternatibong paraan sa pagkatuto ay lubos na katanggap-tanggap na may punang lubos na sumasang-ayon at may literal na paliwanag na lubhang mataas. Gayundin, sa pagpapaunlad sa kasanayan sa pag-unawa. Sa resulta naman ng antas ng pagganap ng mag-aaral batay sa dayalogo, ay may paglalarawang katumbas na pinakamahusay at may literal na paliwanag na namumukod-tangi. Sa nakalap na datos, may makabuluhang epekto ang antas ng paggamit ng Task-based Approach bilang alteranatibong paraan sa pagkatuto sa pagganap ng mga mag-aaral. Samantalang walang makabuluhang epekto ang antas ng pagpapaunlad sa kasanayan sa pag-unawa sa pagganap ng mga mag-aaral. Sa lumabas na resulta, na may makabuluhang epekto ang kaangkupan ng Task based Approach: Alteranatibong paraan sa pagkatuto sa pagganap ng mga mag-aaral, mainam na ipagpatuloy na gamitin ang dulog sa pagtuturo para sa ikauulad ng pagkatuto sa pagganap ng mga mag-aaral sa Filipino. At batay sa resulta, na walang makabuluhang epekto ang pagpapaunlad sa kasanayan sa pag-unawa sa pagganap ng mga mag-aaral, kinakailangan na umisip ng iba pang estratehiya na aangkop para mapaunlad ang kasanayan sa pag-unawa ng mga mag-aaral. Hinihikayat ng mananalikasik ang mga guro at mag-aaral, na ipagpatuloy na gamitin ang task-based approach upang mas mapaunlad ang kasanayan at pagkatuto ng mga mag-aaral. At sa mga mananaliksik, maaring maging sandigan ito sa pag-aaral at mapalawak ang mga salik na magagamit sa makabuluhang pagkatuto.