Ang pag-aaral na ito ay gumamit ng isang convergent parallel mixed method na disenyo dahil nakakalap ito ng iba-iba at komplementaryong datos sa parehong paksa. Sa kwantitatibong bahagi, mayroong 366 na mga mag-aaral ang tumugon sa pag-aaral at 14 naman ang kwalitatibong bahagi. Ang mga resulta ng pag-aaral ay nagsiwalat na ang antas ng paggamit ng artificial intelligence ng mga mag-aaral ay mataas na may pangunahing tema; nakakatulong sa pagpapadali ng akademikong tuntunin, nagdudulot ng negatibong epekto sa pagkatuto, nagbibigay ng kalituhan sa mag-aaral, pagsusuri ng impormasyon, pagkakaroon ng limitasyon sa paggamit ng AI, ginagamit ang AI bilang kasangkapan lamang, malaking ambag sa pag-aaral kung ginagamit ng tama, adaptasyon ng AI sa mataas na edukasyon at nakakatulong sa pag-aaral at pagkatuturo at gamitin ang AI sa tamang paraan. Ang integrasyon ng datos sa parehong kwantitatibo at kwalitatibo na mga resulta ng datos ay nagpahiwatig na mayroong convergent ng mga natuklasan mula sa parehong uri ng datos.