Ang pangunahing layunin ng pananaliksik na ito mabatid ang pagkakaugnay ng kooperatibong pagkatuto at kakayahang komunikatibo ng mga estudyante sa medyor sa Filipino. Naabot ang layunin ng pananaliksik na ito sa pamamagitan ng estadistikong pamamaraan. Ang pananaliksik na ito ay ayon sa pamamaraang palarawang ugnayan na disenyo ng pananaliksik na ginagamitan ng talatanungan upang malaman ang makabuluhang ugnayan ng kooperatibong pagkatuto at kakayahang komunikatibo ng mga mag-aaral. Ang mga respondente sa pag-aaral na ito ay binubuo ng mga mag-aaral sa Batsilyer ng Sekundaryang Edukasyon Medyor sa Filipino ng Kapalong College of Agriculture, Sciences and Technology na may kabuoang bilang na 176 na respondente. Ang nalikom na datos ay sinuri sa pamamagitan ng Mean at Person-r. Natuklasan sa resulta ng pagsusuri sa kooperatibong pagkatuto batay sa indikeytor nito na positibong pagtutulungan, indibidwal at pangkatang pananagutan, harapang pampromosyon at interaktibo, kakayahang diskorsal at pangkatang proseso. Habang ang kakayahang komunikatibo batay sa indiketor na kakayahang lingguwistiko, kakayahang sosyolingguwistiko, kakayahang pragmatik at istratedyik at kakayahang diskorsal. Lumabas sa resulta na may makabuluhang ugnayan ng kooperatibong pagkatuto at kakayahang komunikatibo ng mga mag-aaral sa medyor sa Filipino ng Kapalong College of Agriculture, Sciences and Technology.