Layon ng pananaliksik na gumamit ng mixed-method na disenyo upang siyasatin ang akademikong motibasyon ng mag-aaral, partikular na gamit ang convergent parallel mixed-method approach. Ang disenyo na ito ay nagbigay- daan sa pagkolekta ng magkakaibang ngunit komplementaryong datos hinggil sa parehong paksa. Sa kwantitatibong bahagi, 177 mag-aaral ang lumahok, samantalang 14 mag-aaral naman ang sumali sa kwalitatibong bahagi. Ang kinalabasan ay napakataas ang antas ng akademikong motibasyon ng mga respondente, lalo na sa kanilang pag- aaral. Tatlong pangunahing tema ang natukoy kaugnay ng kanilang motibasyon sa pagpili ng kursong BSEd- Filipino: ang kahalagahan ng motibasyon sa pag-aaral, ang motibasyon bilang lakas na nagtutulak sa mag-aaral, at ang suporta bilang salik na nagtataguyod ng kanilang pagpupursige. Ang integrasyon ng datos mula sa kwantitatibo at kwalitatibong bahagi ay nagpakita ng pagkakatugma, kung saan parehong uri ng datos ay nagbigay ng magkatulad na resulta at nagpapatibay sa mga konklusyon ng karunungan.