Ang pananaliksik na ito ay naglalayong suriin ang mga hamon at paraan ng mga batang mamamahayag sa kanilang larangan. Natukoy na ang mga batang mamamahayag ay nakararanas ng kahirapan sa pagtutok sa ibang mga gawaing pang-akademiko, nahihirapan dahil sa kakulangan sa pagsasanay, at nagkakaroon ng hadlang dahil sa problema sa pakikipagsalamuha sa ibang tao. Sa pagharap sa mga hamon na ito, natuklasan na ang mga batang mamamahayag ay nakapagtagumpay sa pamamagitan ng pakikinig sa mga payo, pananalig sa Panginoon, at suportang nakukuha mula sa kanilang mga magulang. Ang kanilang tagumpay ay nakaugat sa pagkakaroon ng tiwala sa sarili, paglalaan ng sapat na oras sa pagsasanay, at katapatan sa pagpapahayag. Ang mga natuklasan sa pananaliksik na ito ay nagbibigay-diin sa kahalagahan ng mga personal na katangian at pamamaraan sa pagharap sa mga hamon sa larangan ng pamamahayag ng mga batang mamamahayag.