Ang pangunahing layunin ng pag-aaral na ito ay mabatid ang pagkakaugnay ng kondisyong pansilid-aralan at kasiyahan sa klase ng mga mag-aaral sa lokal na kolehiyo. Natamo ang mga layunin ng pag-aaral na ito sa pamamagitan ng estadistikong ginamit. Ang pag-aaral na ito ay ayon sa pamamaraang palarawang ugnayan na disenyo ng pananaliksik na ginagamitan ng talatanungan upang malaman ang makabuluhang ugnayan ng kondisyong pansilid-aralan at kasiyahan sa klase ng mga mag-aaral sa lokal na kolehiyo. Ang mga respondente sa pag-aaral na ito ay binubuo ng mga mag-aaral sa lahat ng departamentong inaalok ng Kapalong College of Agriculture, Sciences and Technology na may kabuoang bilang na 254 na respondente. Ang mga datos na nalikom ay sinuri gamit ang Mean at Person-r. Natuklasan sa resulta ng pag-aaral sa kondisyong pansilid-aralan batay sa indikeytor nito na indibidwal na pagkatuto, kapaligiran ng silid-aralan, at katangian ng guro. Habang ang kasiyahan sa klase ng mga mag-aaral batay sa indiketor na pagtuturo, pagtatasa, at pangkalahatang kasanayan at kakayahan sa pagkatuto. Lumabas sa resulta na may makabuluhang ugnayan ng kondisyong pansilid-aralan at kasiyahan sa klase ng mga mag-aaral sa lokal na kolehiyo. Lumabas din sa resulta ang mga domain/s ng kondisyong pansilid-aralan na may malaking epekto sa kasiyahan sa klase ng mga mag-aaral sa local na kolehiyo.