Ang pangunahing layunin ng pag-aaral na ito ay matukoy ang ugnayan ng estilo ng guro sa pagtuturo sa pakikilahok ng mga mag-aaral na kabilang sa BSEd Filipino ng KCAST. Sa pagpapatibay at pagsakatuparan ng pag-aaral, ito ay ginamitan ng kwantitatibong disenyo sa deskripsyong korelasyunal na pamamaraan. Ang mga piniling respondente na mag-aaral ay pawang nasa una hanggang ikaapat na taon na naka-enrol sa pangalawang semestre na may kursong BSEd Filipino na may naitalang sampol na 177 na mag-aaral na siyang naging respondente. Base sa naging resulta, natuklasan na ang estilo ng guro sa pagtuturo ay may katamtamang antas at ang pakikilahok ng mga mag-aaral ay may mataas na antas ng pagpapahalaga bilang mga mag-aaral. Napatunayan na ang estilo ng guro sa pagtuturo ay may makabuluhang ugnayan sa pakikilahok ng mga mag-aaral. Sa gayong dahilan, ang antas ng estilo ng guro sa pagtuturo sa pakikilahok ng mga mag-aaral ay may makabuluhang ugnayan sa antas ng kanilang pag-aaral.