Ang pangunahing layunin ng pag-aaral na ito ay matukoy ang ugnayan ng kumpiyansa sa pagsusulat at kumpiyansa sa pananaliksik ng mga mag-aaral na kabilang sa non-board program sa lokal na kolehiyo ng Kapalong College of Agriculture, Sciences and Technology. Sa pagpapatibay at pagsakatuparan ng pag-aaral, ito ay ginamitan ng kwantitatibong disenyo sa deskripsyong korelasyunal na pamamaraan. Ang mga piniling respondente na mag- aaral ay pawang nasa ikatlo at ikaapat na taon na naka-enrol sa pangalawang semestre na may kursong pananaliksik na may kabuoang populasyon na 1,001, at ang naitalang sampol ay 275 na mag-aaral na siyang naging respondente. Base sa naging resulta, natuklasan na ang kumpiyansa sa pagsusulat at kumpiyansa sa pananaliksik ng mga mag-aaral ay parehong may mataas na antas ng pagpapahalaga bilang mga mananaliksik. Napatunayan na ang kanilang kumpiyansa sa pagsusulat batay na rin sa apat na indikeytor ay may makabuluhang ugnayan sa kanilang kumpiyansa sa pananaliksik bilang mga mag-aaral. Sa gayong dahilan, ang antas ng kumpiyansa sa pagsusulat at kumpiyansa sa pananaliksik ay may makabuluhang ugnayan sa antas ng kanilang kumpiyansa sa pagsagawa ng isang pananaliksik.