Layunin ng pag-aaral na ito na suriin ang mga morpo-semantika na mga katangian sa mga patalastas na gumagamit ng wikang Filipino. Ginamit sa pag-aaral na ito ang kwalitatibong disenyo ng pag-aaral gamit ang diskursong pagsusuri bilang dulong upang suriin ang limampu’t isang (51) na mga patalastas na gumagamit ng wikang Filipino na nagsilbing korpora sa pag-aaral. Batay sa resulta, labing isang (11) proseso sa pagbuo ng mga Salita na ginamit sa patalastas ang namukod sa ginawang pagsusuri: ang prosesong tambalan ng mga salita, paggamit ng inisyal, panghihiram, pagbabaliktad, pagpapalit kahulugan, pagdaragdag, paglikha ng bagong salita, pagbibigay ng kahulugan, reduplikasyon, paghahalo ng pantig, at maraming proseso o kumbinasyon. Dagdag pa, ang pangunahing mensahe at tema ng mga patalastas na may tatlong (3) aspeto upang maunawaan ang kahulugan ng mga bagong salitang lumitaw at ginagamit sa patalastas naman ang namukod sa ginawang pagsusuri: ang lingguwistikong kahulugan o linguistic meaning, kahulugang panlipunan o social meaning, at pandamdaming kahulugan o affective meaning.