Ang pag-aaral na ito ay naglalayong malaman ang estratehiya sa pag-aaral ng talasalitaan ng mga mag-aaral sa mayoryang Filipino na nasa unang taon hanggang pang-apat na taon. Ang pangunahing instrument na ginamit sa pag-aaral na ito ay ang Vocabulary Learning Strategies Questionnaire na ginawa ni Schmitt’s (1997). Ang pag-aaral na ito ay gumamit ng deskriptibong disenyo ng kwantitatibong pananaliksik dahil ito ay nagsasangkot lamang ng iisang baryabol upang matukoy ang estratehiya sa pag-aaral ng talasalitaan ng mga mag-aaral sa mayoryang Filipino. Sa pamamagitan ng random sampling nagkaroon ng kabuoang bilang na 177 mag-aaral na nagsilbing respondente. Lumabas sa resulta na na karamihn sa mag-aaral sa medyor sa Filipino ay nasa 18-19, babae at nasa unang taon sa BSed Filipino. Ang estratehiya sa pag-aaral ng talasalitaan ng mga mag-aaral sa Mayoryang Filipino ay napag-alamang mataas. Samantalang walang nakitang makabuluhang pagkakaiba sa mga estratehiya sa pag-aaral ng talasalitaan ng mga mag-aaral sa mayoryang Filipino batay sa kanilang edad at antas ng taon. Ngunit nakitang mayroong makabuluhang pagkakaiba batay sa kanilang kasarian. Dahil ang resulta sa pag-aaral na ito ay nagpapakita na may mataas na antas ng estratehiya sa pag-aaral ng talasalitaan ang mag-aaral ng mayoryang Filipino, iminungkahi ng mananaliksik na mas palawakin pa ang kakayahan sa estratehiya sa pag-aaral ng talasalitaan sapagkat malaki ang papel nito upang sila ay magiging aktibong makipag-ugnayan o makilahok hindi lang sa gawaing pampagkatuto kundi pati na rin sa lahat.