Isinakatuparan ang pag-aaral na ito upang matukoy ang makabuluhang ugnayan ng kamalayan sa transgresibong panitikan at kasanayan sa kritikal na pag-iisip ng mga mag-aaral. Naging kalahok ng pag-aaral ang lahat ng mag-aaral ng Senior High School ng Philippine College of Technology, Inc., Lungsod ng Davao para sa Taong Panuruan 2021-2022. Sa pag-aaral, ginamit ang kwantitatibo at di-eksperimental na disenyo ng pananaliksik gamit ang deskriptib-korelesyon na metodo. Natuklasan na may mataas na lawak ng kamalayan ng transgresibong panitikan sa lawak ng kasanayan ng kritikal na pag-iisip ang mga mag-aaral. Bagamat mataas ang kabuoan, may isang indikeytor na may pinakamababa: pagsusuri. Ganoon din ang lawak ng kamalayan sa transgresibong panitikan na nasa mataas. May makabuluhang ugnayan ang kamalayan sa transgresibong panitikan sa lawak ng kasanayan sa kritikal na pag-iisip ang mga mag-aaral. Napatunayan din na ang mga domeyn o indikeytor ng transgresibong panitikan ay may makabuluhang impluwensiya sa lawak ng kasanayan sa kritikal na pag-iisip ng mga mag-aaral.