Ang pangunahing layunin ng pag-aaral na ito ay upang matukoy kung may ugnayan ang sariling kakayahan sa pananaliksik at akademikong integridad ng mga mag-aaral mula sa board at non board program ng KCAST Ang pag-aaral na ito ay isinagawa gamit ang kwantitibong korelasyonal na disenyo, at sa pamamagitan ng random sampling ay nakapagtala ng kabuoang 257 na mag-aaral mula sa board at non-board programs na nagsilbing mga respondente. Batay sa natuklasang resulta, lumalabas na ang antas ng kakayahan sa pananaliksik at antas ng akademikong integridad ay parehong lubhang mataas. Bukod dito, natuklasan din sa pag-aaral na ang antas ng kakayahan sa pananaliksik ay may makabuluhang ugnayan batay sa antas ng akademikong integridad.