Ang maaksyong pananaliksik na ito ay naglalayong paunlarin ang kasanayan sa pagbasa at pagkatuto ng mga mag-aaral sa sekondarya partikular na sa kanilang komprehensyon sa pagbasa. Ang interbensyong PROJECT PARES (Peer-Assisted Reading and Education Strategies): Interbensyon sa Pagpapaunlad sa Kasanayang Pagbasa at Pagkatuto ng mga Mag-aaral sa Ikasiyam na Baitang ay nakatuon sa kasanayan sa pagbasa at pag-unawa sa binasang teksto gamit ang classroom-based assessment tool na Philippine Informal Reading Inventory (Phil-IRI). Ang pag-aaral na ito ay gumamit ng pre-experimental na disenyo na kung saan ito ay gumamit ng paired t-test na pamamaraan. Ang mga respondente ay napabilang sa nakakuha ng mataas na marka sa unang markahan at ang mga mag-aaral na napabilang sa pagkabigo na 24 na mga mag-aaral na mababa ang antas sa pagbasa at pag-unawa ay kolaboratibong magtutulung sa pagkatuto nang ikasiyam na baitang ng Sawata National High School. Natuklasan sa resulta ng pag-aaral na ang antas ng kasanayan sa pagbasa ng mga mag-aaral sa pre-test ay inilalarawan na mababa samantalang ang naging resulta sa post-test ay mataas. Lumalabas na mayroong makabuluhang pagbabago sa pagitan ng pre-test at post-test ng mga mag-aaral mula sa eksperimental na grupo matapos ang isinagawang interbensyon, t (8) = 8.951 p<.001. Samakatuwid, ang Project PARES ay isang epektibong pamamaraan upang mapalakas at mapaunlad ang kasanayan sa pagbasa at pag-unawa ng mga mag-aaral kaya iminumungkahi ng mga mananaliksik na na pagpapatupad ng pang-edukasyong suporta katulad ng peer tutoring bilang isang epektibong interbensyon sa pagpapaunlad sa kasanayang pagbasa at pagkatuto.