Ang pelikula ay kilala bilang sine o pinilakang tabing, ito ay isang larangan na binubuo ng mga gumagalaw na larawan bilang isang anyo ng sining at bahagi ng industriya ng libangan (Ecre, 2016). Maraming mga Pilipino ang mahilig mag-abang ng mga bagong labas na pelikula lalo na sa mga pelikulang gawa ng mga Pilipino mismo dito sa Pilipinas. Karamihan sa mga paksa ng pelikula ay tungkol sa drama, romansa, aksiyon, at komedya. Masasabing laganap ang pelikula bilang isa sa mga anyong sining, kung saan, patunay ang taon-taong malalaking kita ng iba’t ibang klaseng genre. Kung may larang ng sining na matagumpay, ang mga pelikula ay ang malinaw na halimbawa nito (Leyretana, 2018). Kaya naman, maituturing na ang pelikula ay isang panitikan.