Ang pagkatuto sa asignaturang Filipino ay mababa. Layunin ng pag-aaral na masuri ang kritikal na pag-iisip bilang tagapamagitan sa aktibong pagkatuto at mabisang pagkatuto sa Filipino. Ginamit ang prediktibong disenyo mula sa 228 mag-aaral ng Baitang 11 sa pamamagitan ng proportionate stratified random sampling at sinuri gamit ang Mediation Analysis at Bootstrapping na metodo. Natuklasan na ang aktibong pagkatuto ay may makabuluhang tuwiran at di-tuwirang epekto sa mabisang pagkatuto sa asignaturang Filipino sa pamamagitan ng kritikal na pag-iisip bilang partial mediator na sumusuporta sa Teoryang Konstruktibismo. Iminumungkahi sa mga guro ang aktibong pedagohiya at kagamitang pampagtuturo sa Filipino, gayundin ang pag-aaral ng iba pang baryabol at kuwalitatibong metodo sa kritikal na pag-iisip para sa mga mananaliksik sa hinaharap.